کۆرمۆر بە سەرچاوە و ژێرخانی ڕووناکی هەرێمی کوردستان دادەنرێت، دیارە ئەو کێڵگەیە گرنگی خۆیی هەیە و هەر بە هەوڵ و ماندووبوونی دڵسۆزانی ئەم هەریمە توانراوە ئەو پرۆژە بێ هاوتایە کە بەدەستکەوتێکی زۆر گرنگ و دیاریەکی کابینەیکەی جەنابی سەرۆک وەزیرانی کاک مەسرور بارزانی دادەنرێت کە ناوی پرۆژەکە شیکردنەوەی ناوێت ئەویش پرۆژەی ڕووناکیە.
بەڵام وەک لای هەموان ڕوونە هەمیشە شەمشەمە کوێرەکان چاویان بە ڕووناکی هەڵنایەت و هەمیشە دژی ڕووناکی بوونە، بۆیە هەموو هەوڵێکیان بۆ ئەوەیە تاریکی بەسەر ئەم هەرێمەدا باڵ بکێشێت و کوردستان تاریک بێت وەک شوێنەکانی خۆیان، بەڵام هەزاران خەونی لەم شێوەیان بەتاڵ بوویەوە و بێ گومان ئەمیش دەچێتە پاڵ خەونەکانی تریان چونکە کوردستان پارێزراوە.
کوردستان بە پشتیوانی خودای مەزن و گەڵی دڵسۆز و سەرۆکایەتی حکومەت پارێزراوە، کاتێک سەرۆکی حکومەت وەک پاسەوان هەموو هەوڵێکی دەخاتەکار چ لە ڕووی سیاسی و سەربازی و ئابووری...هتد
دانیشتوانی ئەم هەرێمە دڵنیا دەکەمەوە کە بێخەم بن کوردستان ڕووناک دەبێتەوە زاڵ دەبێت بەسەر گشت تاریکی دۆستانی ناوخۆیی و دەرەکیدا.
کوردستان دەتوانێت کێڵگەی کۆرمۆر و سەرجەم کێڵگەکانی تری بپارێزێت، کوردستان هەمیشە هەر ڕووناک دەبێت و دەبێتە چقڵی چاوی ناحەزان، کاتی ئەوەیش هاتووە ئیتر بە سفرە دڕ و جاش و تابووری پێنج و سیخوڕانی ئەم هەرێمە بڵێین بەسە پێتان حەرامە بەهەر مەبەستێک ئەو کارە دەکەن ئیتر ئەو مەبەستە سیاسی بێت یان ئابووری ئان سەربازی یان هەر شتێک کە بەرژەوەندی بێت ئەم نیشتمانە جوانە دەخەنە بەرمەترسی، دڵنیابن زووبێت یان درەنگ خۆتان و ئاغاکانتان سەرشۆڕ دەبن و ناوتان دەچێتە زبڵدانی مێژوو. کوردستان ڕووناک دەبێتەوە کۆرمۆر چاک دەبێتەوە خائینان ڕوو ڕەش دەبن و دوژمنان ڕسوا و خەجاڵەت دەبن.