هەرێم نیوز
کەمێک پێش ئێستا وەزارەتی دارایی و ئابووریی کوردستان لیستی مووچەی مانگی نۆی مووچەخۆرانی کوردستانی بڵاو کردەوە و بە خانەنشینی شارستانی و پێشمەرگە دەستپێدەکات و بە ئەنجوومەنی ئاسایش و دەزگای ئاسایش کۆتایی دێت.
وه‌زاره‌تی دارایی و ئابوری حكومه‌تی هه‌رێمی كوردستان بڵاویكرده‌وه، سبه‌ی یه‌كشه‌ممه دەست بە دابەشکردنی موچەی مانگی ئەیلولی فەرمانبەران و موچەخۆرانی هەرێمی کوردستان دەکرێت و ڕۆژی سێشەممە (٢ی کانونی یەکەمی 2025) کۆتایی بە دابەشکردنی موچە دێت.
ئاماژه‌ی به‌وه‌شكردوه، بەهۆی ئەوەی وەرگرتنی پارە بەشێوەی کاش لە لقی هەولێری بانکی ناوەندیی عێراق دەکەوێتە سبەی لە کاتی دەوامی فەرمی و دواتر گواستنەوەی پارەکە بۆ سەرجەم بانکەکان لە پارێزگاو ئیدارە سەربەخۆکان، داوا لە سەرجەم موچەخۆران دەکەین لە دوای کاتژمێر یەکی نیوەڕۆ، سەردانی بانکەکان بکەن بە مەبەستی وەرگرتنی موچەکانیان بەپێی خشتەی ڕاگەیەنراو.
وه‌زاره‌تی دارایی و ئابوری به‌یانی ئه‌مڕۆ له ڕاگه‌یه‌ندراوێكدا باسی له‌وه‌كردوه، "ئه‌مڕۆ شه‌ممه 941 ملیار و 874 ملیۆن دینار وەک تەمویلی موچەی مانگی 9ی فەرمانبەران و موچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابوری هەرێمی کوردستان لەلقی هەولێری بانکی ناوەندی عێراق".
