هەرێم نیوز
وەزیری ئابووریی لوبنان ڕایگەیاند، حکوومەتی لوبنان پشت بە پاڵپشتییەکانی عێراق دەبەستێت بۆ ئاوەدانکردنەوەی وڵاتەکە.
ئەمین سەلام، وەزیری ئابووریی لوبنان، ئاماژەی بەوە کرد، حکوومەتی لوبنان پشت بە پاڵپشتییەکانی عێراق دەبەستێت لە ئاوەدانکردنەوەی وڵاتەکە، هاوکات بەناوی گەلی لوبنانەوە سوپاسی خۆی ئاراستەی حکومەت و گەلی عێراق کرد بۆ پاڵپشتی هەمیشەیی لوبنان .
راشیگەیاند، عێراق لوبنانی بەجێنەهێشت.
سەلام وتیشی، دەستپێشخەرییەکەی سەرۆکوەزیرانیش لە ئاوەدانکردنەوەدا بەرز دەنرخێنین، هەروەها سوپاسی حکومەت و گەلی عێراق دەکەین بۆ هەوڵەکانیان و پاڵپشتی هەمیشەیی بۆ لوبنان.
سەلام لە درێژەی قسەکانیدا وتی: کاری جددی بەرەو قۆناغی دووەمی ڕزگارکردنی لوبنان دەستیپێکردووە.
ئەمەش لەکاتێکدایە، بەرەبەیانی ڕۆژی چوارشەممە، 27-11-2024، حزبوڵڵا و ئیسرائیل ڕێککەوتن لەسەر ئاگربەستێکی دوو مانگە و کەوتە بواری جێبەجێکردنەوە، بەپێی ڕێککەوتنەکە بڕیارە دوای کشانەوەی هێزەکانی ئیسرائیل و حزبوڵڵا لە باشووری لوبنان،هەزاران سەربازی سوپای لوبنان لەم ناوچەیە جێگیر بکرێن.