هەرێم نیوز
ڕێبەری باڵای کۆماری ئیسلامی ئێران رایگەیاند، گرنگترین ئەرکی هێزە چەکدارەکان ڕێگریکردنە لە هێرش، بۆیە پێویستە تواناکان بۆ نەیارانی ئێران بخرێتەڕو.
عه‌لی خامنەیی ڕێبەری کۆماری ئیسلامی ئێران ، لە دیدارێکدا لەگەڵ بەرپرسان و فەرماندەکانی هێزی دەریایی وڵاته‌كه‌ی هێزی دەریایی بە هێزێکی سەرەکی و چارەنوسساز ناوبرد لە جیهانی ئەمڕۆدا، هەروەها ستایشی چالاکییەکانی بەشە جۆراوجۆرەکانی ئۆپەراسیۆن و هەواڵگری و پشتیوانی و بیناسازی و داهێنانیان لە هێزی دەریایی سوپادا کرد.
ئاماژه‌ی به‌وه‌شكرد،، "ئاڕاستەکردنی هێزە چەکدارەکان بە تایبەت هێزی دەریایی بە گشتی چالاکییەکان و پلاندانان پێویستە لەسەر زیادکردنی ئامادەیی و توانای شەڕکردن بێت".
خامنه‌یی باسی له‌وه‌شكرد، "گرنگترین ئەرکی هێزە چەکدارەکان ڕێگریکردنە لە هێرش، بۆیە پێویستە تواناکان بۆ نەیارانی ئێران بخرێتەڕو تاکو بزانن هەر ڕوبەڕوبونەوەیەک تێچوی قورس بۆ ئەوان بەدوای خۆیدا دەهێنێت".