هەرێم نیوز
پەرلەمانی عێراق کۆدەبێتەوە و دەنگ لەسەر هەمواری یاسایی باری کەسێتی دەدات.
بڕیارە ئەمڕۆ چوارشەممە، ئەنجومەنی نوێنەرانی عێراق دەنگ لەسەر هەمواری یاسای باری کەسی بدات کە مشتومڕێکی زۆر و ناڕەزایی چالاکوانانی مافەکانی ژن و منداڵانی لێکەوتووەتەوە.
بەگوێرەی فەرمانگەی ڕاگەیاندنی پەرلەمانی عێراق، ئەمڕۆ پەرلەمانی عێراق کۆدەبێتەوە، یەکێک لەتەوەرەکانی کۆبوونەوەکە دەنگدانە لەسەر هەمواری یاسای باری کەسێتی ساڵی 1959.
لایەنە شیعەکان پێداگری دەکەن لەسەر هەموارکردنی یاساکە کە بەپێی مەزهەبی جەعفەری داڕێژراوە.
چالاکوانان و یاساناسان پێیانوایە کە هەمواری یاساکە پێشێلکردنی مافەکانی مرۆڤە، چونکە ڕێ دەدات بەوەی هاوسەرگریی لەگەڵ کچی منداڵدا بکرێت.
پێشتریش دەیان خۆپیشاندان و گردبوونەوە بۆ ڕێگریکردن لە تێپەڕاندنی ئەم هەموارە کراوە.