دواین هەواڵ

جیهان‌

 24/01/2023

فەڕەنسا نزیکەى 50 ژن و منداڵی چەکدارانی داعش لە رۆژئاوای کوردستان وەردەگرێتەوە

هەرێم نیوز

وەزارەتی دەرەوەی فەڕەنسا، وەرگرتنەوەی ٤٧ ژن و منداڵی چەکدارانی داعشی لە کەمپەکانی رۆژئاوای کوردستان راگەیاند.

وەزارەتی دەرەوەی فەڕەنسا لە راگەیەندراوێکدا ئاماژەی بەوەکردووە، ئەمڕۆ ١٥ ژن و ٣٢ منداڵیان لە کەمپەکانی باکور و خۆرھەڵاتی سوریا و رۆژئاوای کوردستان وەرگرتووەتەوە، کە منداڵەکان رادەستی تیمی تایبەتکراون و چاودێری پزیشکی و کۆمەڵایەتییان پێشکەشدەکرێت، گەورەکانیش رادەستی دەسەڵاتی دادوەری تایبەت دەکرێن. 

ھاوکات وەفدێکی دیبلۆماسی لە حکومەتی فەڕەنسا سەردانی نوسینگەی پەیوەندییەکانی دەرەوەی ئیدارەی خۆبەڕێوەبەرییان لە شاری "قامیشلۆ" کرد و رایانگەیاند، رەوشی رۆژئاوای کوردستان جێی نیگەرانییە و لە ناوچەکە دەمێننەوە تا ئەو کاتەی ھەڵمەتەکانی روبەڕوبوونەوەی تیرۆریستان کۆتایی دێت.



Copyright © 2020 All Rights Reserved Designed And Developed By AVESTA GROUP