دواین هەواڵ

عێراق‌

 6 رۆژ پێش ئێستا

چوارچێوەی ھەماھەنگی کار بۆ بەرزکردنەوەی بەھای دینار دەکات

هەرێم نیوز

چوارچێوەی ھەماھەنگی کار بۆ بەرزکردنەوەی بەھای دینار بەرامبەر دۆلار دەکات و داواش لە سەرۆک وەزیرانی عێراق دەکات رێکارەکانی زیاتر بکات.

عەلی فەتلاوی سەرکردە لە ھاوپەیمانیی فەتح رایگەیاند، پێویستە حکومەت رێکاری زیاتر و توندتر بۆ بەرزکردنەوەی بەھای دینار بەرامبەر دۆلار بگرێتەبەر، چونکە بەھای دینار بەرامبەر دۆلار رووی لە دابەزین کردووە و ھاووڵاتیانیش زەرەرمەندی یەکەمن.

وتیشی: چوارچێوەی ھەماھەنگی ھەفتانە بە ئامادەبوونی محەمەد شیاع سودانی سەرۆک وەزیرانی عێراق کۆدەبێتەوە، لەپێناو دۆزینەوەی چارەسەر بۆ قەیرانی دۆلار.

چوارچێوەی ھەماھەنگی ترسی ھەیە دابەزینی بەھای دینار بەرامبەر دۆلار، توڕەیی خەڵکی لێبکەوێتەوە و سەربکشێت بۆ ناڕەزایی و خۆپیشاندان، بە تایبەت کە موقتەدا سەدر رێبەری رەوتی سەدر خۆی بۆ گەڕانەوە بۆ ناو گۆڕەپانی سیاسی ئامادە دەکات.



Copyright © 2020 All Rights Reserved Designed And Developed By AVESTA GROUP