دواین هەواڵ

جیهان‌

 پێش 1 هەفتە

یەكێتی جیهانیی زانایانی موسڵمان لەسەر سووتاندنی قورئان لە سوید دێتە دەنگ

هەرێم نیوز

یەكێتی جیهانیی زانایانی موسڵمان زۆر بە توندی و لە پێگەی هێزەوە ناڕەزایەتی خۆی بە سوتاندنی كۆپییەك لە قورئانی پیرۆز بە رەزامەندی حكومەتی سوید ڕادەگەیەنێت و ئەو كارە ریسواو شەرمەزار دەكات.

یەكێتی جیهانیی زانایانی موسڵمان داوا لە حكومەتە ئیسلامییەكان دەكات هەڵوێستی جددی و یەكلاكەرەوە و بەهێز دەرببڕن بۆ بەرگری لە پیرۆزییەكانی ئوممەتی ئیسلامی.

دەشڵێت: قورئانی پیرۆز مەزنترینی ئەو پیرۆزیانەیە ئەوەش لە رێگای بانگهێشتی باڵوێزانی سوید هەریەكە و لە وڵاتی خۆیدا داوا لە سوید بكەن كە داوای لێبوردن بكات و هەموو رێكارێكی پێویست و گونجاو بۆ بەرگرتن لەو كارە قێزەونە بگرێتەبەر.

یەكێتی جیهانیی زانایانی موسڵمان لەهەمانكاتدا هەڵوێستی "ئازایانەی هەندێک‌ لە دەوڵەتە عەرەبی و ئیسلامییەكان بەرز دەنرخێنێت‌" كە رێكاری گونجاویان گرتەبەر و "ئەو كارەیان ریسوا كرد".

ئەوەشی خستۆتەڕو، ئەو كارەش تەنیا و تەنیا بەرئەنجامی رق و كینەیەكی شاردراوەیە لە ناخی چەند تاكێكی نەخۆشدا تا رقلێبوونەوە لە ئیسلام بكەنە پیشەی خۆیان.

یەكێتی جیهانیی زانایانی موسڵمان هۆشداری دەدات كە لێكەوتەی ئەمجۆرە هەڵسوكەوتانە شتانێكی كارەساتبارن بۆ ئاستی تێكەڵبوون و ئاوێتەبوون و فرە-كولتووری و بۆ مافەكانی مرۆڤ، پێدەچێت‌ ئەوروپاش هەردوو جەنگی جیهانیی لەبیركردبێت كە لە نیوەی یەكەمی سەدەی بیستەمدا بە هۆكاری دەمارگیریی و هەڵەشەیی و خۆ بەزلزانییەوە هەڵگیرسان و تەڕو وشیان پێكەوە سوتاند.



Copyright © 2020 All Rights Reserved Designed And Developed By AVESTA GROUP