دواین هەواڵ

جیهان‌

 پێش 2 هەفتە

سوپای پاسداران: ھێرشە مووشەکییەکانمان بۆ سەر ھەرێم بەردەوام دەبن

هەرێم نیوز

فەرماندەی ھێزی زەمینی سوپای پاسداران دەڵێت، ھێرشەکان بۆ سەر بنکە و بارەگای حزبەکانی ئۆپۆزسیۆن لە ھەرێمی کوردستان بەردەوام دەبن تا ئەو کاتەی ھەڕەشەکانیان کۆتایی دێت و لە چەکدادەماڵرێن.

محەمەد پاکبور فەرماندەی ھێزی زەمینی سوپای پاسداران لە لێدوانێکدا ئاماژەی بەوەکردووە، لە بەردەوامی ھێرشەکان بە مووشەک و فڕۆکەی بێفرۆکەوان کە لە چەند رۆژی رابردوودا سوپای پاسداران ئەنجامیداوە، قۆناغێکی تری ھێرشی مووشەکی کراوەتە سەر  بنکەکانی پارتی ئازادی کوردستان لە پردێ، بەو پێیەی رۆڵی ھەبووە لە پشتیوانیکردنی خۆپیشاندان و ناڕەزاییەکانی باکوری رۆژئاوای وڵات.

دووپاتیشیکردەوە، ھێرشەکان بۆ سەر بنکە و بارەگای حزبە نەیارەکانی ئێران لە ھەرێمی کوردستان بە بەھێزی بەردەوام دەبێت تاکو کۆتایی بەھەڕەشەکانیان دێت و لە چەکدادەماڵرێن.



Copyright © 2020 All Rights Reserved Designed And Developed By AVESTA GROUP