دواین هەواڵ

تەندروستی‌

 30/10/2022

چه‌ند ڕێنمایی یه‌ک بۆ دابه‌زاندی چه‌وری سیانی له‌ ڕێگه‌ی خۆراکه‌وه‌

دکتۆر کامه‌ران رسوڵ ژاژڵه‌یی - پسپۆڕی زانستی خۆراک

- سیر : خواردنی ۳ سیر ڕۆژانه‌ ڕێگه‌یه‌کی زۆر کاریگه‌ره‌ به‌ڵام به‌کوڵاوی سوده‌کانی که‌م ده‌بێته‌وه‌ ؛هه‌روه‌ها ده‌توانرێت به‌ شێوه‌ی حه‌پ بخورێت له‌ به‌ر بۆنه‌که‌ی ، هه‌روه‌ها پیاز کاریگه‌ری دابه‌زینی ئاستی چه‌وری سیانی هه‌یه‌ به‌ڵام به‌ڕاده‌ی سیر نا 

- سپێناخ ؛ به‌ تایبه‌ت ئه‌گه‌ر به‌ سه‌وزی بخورێت یان به‌ کوڵاوی

ـ چای سه‌وز

-سێوی سه‌وز : ڕۆژانه‌ پێویسته‌ ۲ـ۳سێوی سه‌وز بخورێت و هه‌روه‌ها شلیک و هه‌رمێ و تووتڕک

ـ چه‌ره‌سات ؛ به‌ تایبه‌ت گوێز و باده‌م و فستق و فستق عه‌بید وده‌نکه‌ کوله‌که‌ ؛ به‌ مه‌رجێک بڕێکی زۆری لێ نه‌خورێت چونکه‌ ده‌وڵه‌مه‌ندن به‌ وزه‌ تا نه‌بێته‌ هۆی زیاتر بوونی کێش و باشتره‌ به‌ کاڵی و بێ خوێ بخورێن ؛ نه‌وه‌ک به‌ سوێرکراوی یان سوره‌وه‌کراوی ، بۆنموونه‌ گۆێز دوو ده‌نک ، باده‌م ۱۰ـ ۲۰ ده‌نک .

ـ زه‌یتی زه‌یتوون و ئۆڤۆگادۆ ؛ ڕۆژانه‌ دوو که‌وچک زه‌یتی زه‌یتوون بخورێت و باشتره‌ بۆ چێشت لێنان به‌کاربێت۰

ـ شۆڤان ؛ چونکه‌ بڕێکی زۆر ڕیشاڵی تێدایه‌ و هه‌روه‌ها جۆ وهه‌رزن و گه‌نمه‌ کوتاو ؛ ئه‌توانرێت به‌ کوڵاوی یان به‌ شێوه‌ی شۆربا بخورێت۰

ـماسی ؛ به‌ تایبه‌ت ماسی سه‌لمون و سه‌ردین و تونه‌ی سپی ؛ باشتره‌ هه‌فته‌ی ۲ـ۳ جار بخورێت به‌ برژاوی و زۆری لێ نه‌خورێت ۰

هه‌ندێک ڕێنمایی گرنگی تر بۆ دابه‌زاندی چه‌وری سیانی :

ـ دوورکه‌وه‌تنه‌وه‌ له‌ خواردنی چه‌وری و به‌زی گۆشتی ئاژه‌ڵ و پێستی مریشک و که‌م کردنه‌وه‌ی خواردنی گۆشتی سوور و جگه‌ر ۰

ـ نه‌خوردانی فاست فوود وه‌ک هه‌مبه‌رگر و گه‌س و ستیک

ـ نه‌خوادنی ئه‌و جۆره‌ شیر و به‌رهه‌مانه‌ی شیر که‌ چه‌وری زۆر تێدایه‌ بۆ نموونه‌ قه‌یماغ و که‌ره‌ و له‌ جیاتی ئه‌وه‌ شیرو شیره‌مه‌نی که‌م چه‌وری بخورێت.

ـ به‌کار نه‌هێنانی ڕۆنی ئاژه‌ڵ و زه‌یتی موهه‌دره‌جی ڕووه‌کی و زه‌یتی گوێزی هیندی بۆ چێشت لێنان؛ باشتره‌ زه‌یتی زه‌یتون و گوڵه‌به‌ڕۆژه‌ وکه‌تان به‌کاربێت۰

ـ نه‌خواردنی ئاسکریم و سارده‌مه‌نی و شیرینی و خواردنه‌وه‌ گازیه‌کان و که‌م خواردنه‌وه‌ی چای ڕه‌ش و قاوه‌۰

ـ دابه‌زندانی کێش و چاره‌سه‌ری قه‌ڵه‌وی و خۆپارستن لێی

ـ ئه‌نجامدانی وه‌رزش به‌ شێوه‌یهکی به‌رده‌وام و زوو خه‌وتن و زوو هه‌ستان و چاره‌سه‌کردنی کێشه‌ی که‌م خه‌وی

ـ وازهێنان له‌ جگه‌ره‌کێشان و نێرگه‌له‌ یا که‌مکردنه‌وه‌یان ، هه‌روه‌ها وازهێنان له‌ خواردنه‌وه‌ کهولیه‌کان یا که‌مکردنه‌وه‌یان ؛ به‌ڵام پێویسته‌ بڵێم خواردنه‌وه‌ی یه‌ک پێک شه‌رابی سوور ئاستی چه‌وری سیانی داده‌به‌زێنیت ۰

ـ زۆر خواردنی سه‌وزه‌ و میوه‌ و پاقله‌مه‌نیه‌کان به‌ تایبه‌ت سۆیا و باشتره‌ به‌ سه‌وزی وکوڵاوی بخورێن .

ـ خواردنی حه‌پی ئۆمێگا سێ که‌ ڕۆن ماسی ناسراوه‌۰

 



Copyright © 2020 All Rights Reserved Designed And Developed By AVESTA GROUP