دواین هەواڵ

تەندروستی‌

 22/10/2022

د.پشدەر عەبدوڵڵا: لەسلێمانی قەڵەوی منداڵان رووی لە زیادبوونە

هەرێم نیوز 

بەڕێوەبەری نەخۆشخانەی مندڵانی سلێمانی رایگەیاند، زۆربەی خواردنی رۆژانەی منداڵ پڕن لە چەوری و بەو هۆیەشەوە  ژمارەی ئەو منداڵانەی كە قەڵەون و كێشیان زۆرە، رۆژ لە دوای رۆژ زیاد دەكات

د. پشدەر عەبدوڵڵا بەڕێوەبەری نەخۆشخانەی مندڵانی سلێمانی هۆشداری دەدات لە زیادبوونی رێژەی ئەو مندالانەی كە قەڵەون و دەشڵێت، بەداخەوە زۆربەی خواردنی رۆژانەی منداڵ ئەوانەیە كە پڕن لە چەوری، هەروەها زۆر سەیركردنی تەلەفزیۆن و زۆر بەكارهێنانی ئایپاد و ئامێری یاری ڤیدیۆیی.

راشیگەیاندوە، كەمی وەرزش و چالاكی رۆژانە، پێویستە منداڵ رۆژانە بەلایەنی كەمەوە كاتژمێرێك وەرزش بەشێوەیەكی چالاك بیكات، هەروەها بۆماوەیی، ئەگەر یەكێك لە دایك و باوكی قەڵەو بن ئەوا ئەگەری توشبوون بە قەڵەوی لە منداڵدا 50% دەبێت، ئەگەر هەردوكیان قەڵەو بن ئەوە ئەگەری تووشبونەكە بەرز ئەبێتەوە بۆ 80%، بە تایبەتی هەموو ئەندامانی ئەو خێزانە هەمان خووی خواردنیان هەبێت، هەندێكجار هەندێك نەخۆشی بە تایبەت تێكچوونی هۆڕمۆنی لەش قەڵەوی درووست ئەكات.

ئاماژەی بەوەشكردوە، كێشەكانی قەڵەوی بریتین لە توشبوون بە شەكرە، بەرزبوونەوەی پەستانی خوێن، چەوری خوێن، ئازاری ئێسقان و جومگە، هەناسە توندی،  تێكچوونی خەو، دەركەوتنی بە تەمەنتر لەچاو تەمەنی خۆی،  نەخۆشی جگەر و زراو، دڵەڕاوكێ و خەمۆكی و دروستبوونی خوی ناتەندروست".

بەڕێوەبەری نەخۆشخانەی مندڵان، داواش دەكات هیچ كات بەرامبەر كارێكی باش منداڵ بە خواردن پاداشت مەكەن و فشاریان لێنەكەن بۆ خواردن و هیچ كات جۆرێكی دیاری كراوی خواردنی لێ قەدەغە مەكە.



Copyright © 2020 All Rights Reserved Designed And Developed By AVESTA GROUP