هەرێم نیوز
وەزارەتی نەوتی عێراق، ئامارى هەناردەکردن و فرشتنى نەوتى بڵاوکردەوە و دەڵێت، داهاتی فرۆشتنی نەوت لەمانگی رابردوودا گەیشتۆتە 9 ملیارو 688 ملیۆن و 903 هەزار دۆلار.
ئەمڕۆ هەینی، وەزارەتی نەوتی عێراق لەراگەیەندراوێکدا بڵاویكردەوە، بەگوێرەی راپۆرتە سەرەتاییەکانی کۆمپانیای بەرهەمهێنانی نەوتی عێراق (سۆمۆ)لەمانگی ئابدا 101 ملیۆن و 859 هەزارو 528 بەرمیل نەوتی خاوی هەناردەی بازارەكانی جیهان كردوە .
راشیگەیاندوە، كۆی داهاتی فرۆشراوی نەوت گەیشتۆتە 9 ملیارو 688 ملیۆن و 903 هەزار دۆلار.
وەزارەتەكە ئاماژەی بەوەشكردوە، لەكێڵگە نەوتییەكانی ناوەڕاست و باشور 100 ملیۆن و 750 هەزار بەرمیل و لە كێڵگەی كەركوكیشەوە 1 ملیۆن و 109 هەزارو 528 بەرمیل هەناردە كراوە.
بەگوێرەی راگەیەندراوەكە، تێكرای نرخی هەربەرمیلێك نەوتی فرۆشراو گەیشتۆتە 95 دۆلار.