هەرێم نیوز

بایکۆتی مۆندیالی قەتەر لە فراوان بوندایە، کانتونا و فلیپ لام مۆندیالەکەیان بایکۆت کرد.

ئیریک کانتونا یاریزانی هەڵبژاردەی فەرەنسا و یانەی مانچستەریونایتد و ئەستێرەی بواری سینەما ئاماژەی بەوەکردوە لەم مۆندیالەدا تەنانەت سەیری یەک یاریش ناکەم.

"ئەم هەموو یاریگایە  چ شێتییەک، چ گەمژەیییەکە لە وڵاتێکدا کە گەشەی تۆپی پێی تێدانیە بەڵام لە سەرووی هەمووشیانەوە ترسناکیی گیان لەدەستدانی مرۆڤ ،چەندین هەزار هەبوون بۆ دروستکردنی ئەم یاریگایانە قەتەر گیانیان لەدەستدا "

"تەنها مانای ئەم ڕووداوە، هەموومان دەزانین پارەیە.. دەزانم ئەوان گرنگی بە کارەکتەری بچووکی من نادەن ڕووخساری من جیهان ناگۆڕێت."

"من بەشداری ئەم مۆندیالە ناکەم. بۆ ئەوەی پارە بۆ ئەو کەسانە پەیدا بکەین کە چاویان دادەخەن و لە پشت پەنجە بچووکەکانیانەوە خۆیان دەشارنەوە و دەڵێن (ئەوە ئەرکی ئێمە نییە، ناتوانین هیچ بکەین...") وڵاتان، سەندیکاکان،کەناڵی پەخشکان، ڕێکلامکەران، هتد. ئەگەر دەتوانی هاوڕابیت تەنها دەبێت بڕیارەکە بدەیت."

"تەنها پێمان بڵێ بەشداری ناکەیت، پێمان بڵێ یارییەکان پەخش ناکەیت و هتد. هەندێک جار لە ژیاندا دەبێت بڕیار بدەین تەنانەت ئەگەر باجی قورسیش بدەیت بەڵام بەداخەوە دیسانەوە."  پارە لە هەموو شتێک بەهێزترە."

"زۆر شت گرنگتر هەیە لە تۆپی پێ! من بڕیارە سەیری هەموو ئەڵقەکانی کۆڵۆمبۆ بکەمەوە، ماوەیەکی زۆرە نەمبینیوە. بەهیوای ئەوەی هەموو هاوڕێ شێتەکانم وەک من بیربکەنەوە."

ئاماژەی بەوەشکردووە، قەتەر وڵاتێکی تۆپی پێ نییە، من دژی بیرۆکەی ڕێکخستنی مۆندیال نیم لە وڵاتێکدا کە تۆپی پێی تێدا پەرەی پێدەدرێت و بەرەوپێش دەبرێت، وەک لە باشووری ئەفریقا یان ئەمریکا لە ساڵانی نەوەدەکاندا، هەموو شتێک پەیوەندی بە پارە و شێوازی مامەڵەکردن لەگەڵ ئەو کەسانەی کە یاریگایان دروست کرد، ئەوە ترسناک بوو، هەزاران کەسیش گیانیان لەدەستدا”.

لە دروستکردنی یاریگاکانی وڵاتی قەتەر 6  هەزار کرێکار گیانی لەدەستدا ئەم هەواڵە چەندین یاریزانی ویژدان زیندووی هێناوەتە دەنگ یەکێک لەوانە ئەستێرەی پێشووی هەڵبژاردەی ئەڵمانیا فلیپ لام لە لێدوانێکیدا وتی من ناچمە قەتەر و ئەو مۆندیالە بایکۆت دەکەم ،پێوستە ڕێکخراوەکانی مافی مرۆڤ لەسەر گیان لەدەستدانی بەکۆمەڵی کرێکاران بێنە دەنگ و ئەو بێ نرخ کردنی مرۆڤه قبوڵ نەکەن ،هەروەها ڕاهێنەری هەڵبژاردەی ئەڵمانیا " فلیک"لە لێدوانێکیدا وتی وڵاتی قەتەر شایەنی ئەوەنیە مۆندیالی تۆپی پێی تێدا ئەنجام بدرێت و ئەوێ وڵاتی تۆپی پێ نیە.