دواین هەواڵ

ڤیدیۆ‌

 پێش 2 هەفتە

یادی شەهیدکردنی (١٠) ساڵەی شاعیر عیرفان ئەحمەد

بەهەست بەختیار-سلێمانی

ڕۆژی پێنجشەمە بەرواری (٢٠٢٢/٨/٥)، لە هۆڵی خاک بە ئامادەبوونی چەندین هونەرمەند و شاعیر و نوسەر یادی (١٠) ساڵەی گەشمردەی شاعیر (عیرفان ئەحمەد) لەلایەن ڕێکخراوی شنەبای خاک کرایەوە، لەسەرەتای مەڕاسیمەکەدا دوای دەقەیەک وەستان بۆ گیانی شەهیدان هاوڕێیانی عیرفان ئەحمەد مۆی (١٠) ساڵەی کۆچی شاعیریان داگیرساند.

تەنیا کەریم جێگری سەرۆکی ڕێکخراوی شنەبای خاک لەبارەی یادەکەوە وتی: ئێمە زۆربەی کات هەوڵمانداوە ڕێز لە هوونەرمەندان و ڕۆشنبیران ئەدیبان بگرین بە تایبەت ئەو کەسانەی بابەتە ئەدیبەتەکانی لە ئاستێکی بەرزدایە، عیرفان ئەحمەد یەکێکە لەو شاعیرانەی بەغدر کوژرا هەر بۆیە بڕیارماندا دیوانە شعری (مەراقێک)ی ئەم شاعیرە بۆ جاری سێیەم لەسەر ئەرکی خۆمان بە چاپ بگەینین.

شيرکۆ ئەحمەد برای عیرفان ئەحمەد لە بارەی تیرۆرکرد براکەیەوە باسی لەوەکرد: (.١)ساڵە حکومەت نەیتوانیوە تۆمەتبارێک لەناو چەقی شاردا دەسگیر بکات.

وتیشی، ە هونەرمەند ماهیر حەمەدەمین چەند شعرێکی عیرفان ئەحمەدی کردووە بە گۆرانی بۆ گوێگران و بینەران.

هاوڕێی شاعیری کۆچکردوو ئامانج شارباژێڕی دەربارەی دۆخی شاعیران و نووسەران لەم وڵاتەدا وتی: لەم وڵاتەدا بەداخەوە ئەوەی قەڵەم بەدەستبێت زوڵمی لێدەکرێت و تیرۆر دەکریت قەدری ئەو کەسانەی پڕن لە هەستی جوان ناگیرێت ، چەندین شاعیری ترمان هەیە کە ئەم شاعیرانە لەژیاندا بمانایە ئەوە کورد و ئەدەبیات لە لوتکەدا دەبوو.

شاعیر عیرفان ئەحمەد ساڵی 1963 لە شاری سلێمانی لە دایک بووە، هەر لەوکاتانەدا کە خوێندکاری پەیمانگا بووە لێهاتویی و توانای ئەدەبی عیرفان بەدیار کەوت بەتایبەتی لەبواری شیعرنوسیندا،دوای راپەرینيش بەشداری دەیان چالاکی ئەدەبی و کۆڕو فیستفاڵی ئەدەبیو شیعری دەکات و یەکێک دەبێت لە سیما ناسراوەکانی شیعرو ئەدەب لە شاری سلێمانی،خاوەنی چەندین دیوان و شعری نەرم و پڕهەستە کەلەلایان چەندین گۆرانیبێژی ناوداری کوردستان کراونەتە گۆرانی,

بەداخەوە لەتەمەنی (٤٩) ساڵیداو ساڵی (٢٠١٢) بەمردنێکی گوماناوی لەشاری سلێمانی دڵی پڕ لە چرۆی نوێ شعری لە لێدان دەکەوێت و ماڵئاوایی لە گوێگران و خوێنەرانی دەکات.



Copyright © 2020 All Rights Reserved Designed And Developed By AVESTA GROUP