دواین هەواڵ

کۆمەڵایەتی‌

 پێش 2 هەفتە

منداڵەکانم بەردەوام بەیەکەوە شەڕدەکەن

هەستیار علی - چارەسەرکاری دەروونی منداڵان و نەوجەوانان

بەشێکی زۆری دایک و باوکەکان گلەیی ئەوەیان هەیە کە؛ "منداڵەکانیان بەردەوام لەگەڵ یەکتری شەردەکەن و ئازاری یەکتری ئەدەن، بەوهۆیەشەوە گرفتی زۆر درووست دەکەن، نازانین چیان لێبکەین".

شەڕکردنی دوو منداڵ وەک یاریکردنیان وایە لە ماڵەوە، لەبەرئەوە بەردەوام لە نێوان هەردوو منداڵەکەدا ململانێ و شەڕ و ئاشتی هەیە، بە ڕەچاوکردنی جیاوازی تەمەن و ئاستە کۆمەڵایەتییەکان. بەڵام ئەگەر شەڕکردنەکەیان زیانگەیاندن بێت بەیەکتری و بەردەوام بێت ئەوە پێویستە چەند هەنگاوێک بگریتە بەر لەوانە :

1. هەوڵبدە بەیەک شێوە سەیریان بکەیت و جیاوازی مەکە لەنێوانیاندا. دادوەربن لە مامەڵەکردندا.

2. هەرگیز بەراوردیان مەکە بە منداڵانی تر.

3. کاتێك کە شەڕێک ئەکەن، مانای ئەوە نییە کە کۆتایی دونیایە، خۆت مشەوەش مەکە و هەوڵبدە خۆت کۆنترۆڵ بکە، بەڕێزەوە لەگەڵیان دابنیشە و زیانەکانی شەڕکردنەکەیان بۆ ڕوونبکەرەوە

4. هەوڵبدە بەجیا گفتوگۆیان لەگەڵ بکە، روونکردنەوەیان پێبدە، ڕاوبۆچونییان وەربگرە.

5. هەوڵبدەن پاداشت و سزایان بۆ دابنێن، تێیانبگەیەنن ئەگەر یەکترتان خۆشبوێت و شەڕنەکەن ئەوە پاداشت دەکرێن . 



Copyright © 2020 All Rights Reserved Designed And Developed By AVESTA GROUP