دواین هەواڵ

عێراق‌

 5 رۆژ پێش ئێستا

کۆبوونەوەى نائاسایى پەرلەمانى عێراق دەستیپێکرد

هەرێم نیوز

کۆبوونەوەى نائاسایی پەرلەمانى عێراق دەستیپێکرد کە تایبەتە بە سوێندخواردنى پەرلەمانتارانى جێگرەوەى پەرلەمانتارانى دەستلەکارکێشاوەى فراکسیۆنى سەدر.  

فەرمانگەى راگەیاندنى پەرلەمانى عێراق لە راگەیەنراوێکدا بڵاویکردەوە، کۆبوونەوەکە بەبەشدارى 202 پەرلەمانتار دەستیپێکردووە.  

ئەمە لە کاتێکدایە، ناوەڕاستی ئەم مانگە 73 پەرلەمانتارەكەی رەوتی سەدر بە كۆمەڵ دەستیان لەكاركێشایەوە، ئەوەش لەسەر داوای رێبەری ڕەوتەكەیان بوو.

بڕیارە لە كۆبونەوەكەی ئەمڕۆدا كاندیدە شوێنگرەوەكان سوێندنی یاسایی بخۆن و وەك پەرلەمانتار دەستبەكاربن.

شوێنی پەرلەمانتارە دەستلەکارکێشاوەكانی کوتلەی سەدر، بەو پەرلەمانتارانە پڕدەکرێتەوە کە لە هەر بازنەیەکی هەڵبژاردن لە دوای کاندیدەکەی کوتلەی سەدر خاوەنی زۆرترین دەنگ بوون.

بەپێی ئاژانسی هەواڵی عێراق، ژمارەیەك كاندید، وتویانە بەرامبەر بە موقتەدا سەدر بەڵێن دەدەین کە پێنجشەممە لەدانیشتنەکەی پەرلەمان ئامادەنابن و داوای لێبوردن پێشکەش بە کۆمۆسیۆنی هەڵبژاردن دەکەن هاوشێوەی ئەندامانی فراکسیۆنی سەدڕیەکان کە دەستیان لەکارکێشایەوە.

ئەو كاندیدانەش پێكهاتوون لە  عمر عباس، میلاد شهید کازم، علوان الزبیدی، ومزڕ خزعل سلمان. 



Copyright © 2020 All Rights Reserved Designed And Developed By AVESTA GROUP