دواین هەواڵ

کوردستان‌

 5 رۆژ پێش ئێستا

تەندروستى سلێمانى: ئامادەکارى تەواومان بۆ ڕوبەڕوبوونەوەى پەتاى سکچون و ڕشانەوە کردوە

هەرێم نیوز

بەڕێوەبەرایەتی گشتی تەندروستی سلێمانی ڕایدەگەیەنێت، لە تەواوی سنوری پارێزگای سلێمانی ئامادەکاری تەواو دەکرێت بۆبەرەنگاربونەوەی پەتای سكچون و ڕشانەوە، بۆیە داوا لە سەرجەم بنکە تەندروستییەکان دەکەین بۆ چۆنیەتی مامەڵەکردن لەگەڵ چارەسەری نەخۆش و بڵاوبونەوەی پەتاکان، پابەندی ئەو پرۆتۆكۆڵە بن کە  ڕێكخراوی تەندروستی جیهانی(who) دەریکردوە.

بەڕێوەبەرایەتی گشتی تەندروستی سلێمانی ئەمڕۆ پێنجشەممە، لە راگەیەنراوێکدا ئەوەى خستۆتەڕو، بەمەبەستی میكانیزمێكی گونجاو بۆبەرەنگاربونەوەی پەتای سكچون و ڕشانەوە، محەمەد عەلی، یاریدەدەری بەڕێوەبەری گشتی تەندروستی سلێمانی بۆ کاروباری کارمەندان بەیاوەری شاندێک لەبەشەکانی بەڕێوەبەرایەتی گشتی و  بەڕێوەبەرایەتی خۆپاراستنی تەندروستی سلێمانی لەبەشەکانی چاودێری تەندروستی و تاقیگەی ئاو  لەگەڵ بەڕێوبەرو بەرپرسانی تەندروستی لە ( بەڕێوەبەرایەتی تەندروستی دەربەندیخان ، نەخۆشخانەی شەهید ڕئوف بەگ لەهەڵەبجەی تازە، مەڵبەندی (24) کاتژمێری عەربەت) کۆبوەتەوە.

ئەوەشخراوەتەڕو، ئامانجی کۆبونەوەکە بەمەبەستی میكانیزمێكی گونجاو بۆبەرەنگاربونەوەی پەتای سكچون و ڕشانەوە لەو ناوچەکە جێبەجێکردنی ڕێنماییەکانی لیژنەی باڵای ڕوبەڕوبونەوەی پەتای سکچون وڕشانەوە لەپارێزگای سلێمانی بوە، داواش کرا كە هەمو پزیشكان لە هەمو بەشە جیاوازەكان لەسەر یەك پرۆتۆكۆڵ چارەسەری نەخۆش بكەن کە بریتییە لە ئەو پرۆتۆكۆڵەی ڕێكخراوی تەندروستی جیهانی(who) دایناوە.

ئاماژە بەوەشکراوە، پرۆتۆكۆڵی چارەسەری نەخۆش وەزارەتی تەندروستی عێراق و وەزارەتی تەندروستی هەرێم گشتاندنیان پێکردوە بۆ سەرجەم بەڕێوەبەرایەتیە گشتییەکان و  لەسەر هەمان پرۆتۆكۆڵ چارەسەری نەخۆشەكان دەكرێت.



Copyright © 2020 All Rights Reserved Designed And Developed By AVESTA GROUP