دواین هەواڵ

ئابوری‌

 18/06/2022

عێراقیەكان ڕێژەی 34% ئەو گەشتیارانە پێکدەھێنن کە ساڵانە سەردانی ئێران دەکەن

هەرێم نیوز 

ساڵی رابردوو داھاتی کەرتی گەشتیاری ئێران گەیشتووەتە دوو ملیار و 500 ملیۆن دۆلار و  زۆربەی گەشتیارانیش عێراقی بوون .

ئەنجومەنی جیھانی بۆ گەشتوگوزار ڕایگەیاند، ئەو گەشتیارانەی سەردانی ئێران دەكەن زۆربەیان عێراقین و  لە دوای ئەوانیش ھاوڵاتیانی پاکستانی و کوەیتین.

بەگوێرەی هەواڵێكی ئاژانسی ھەواڵی فارس نیوز ، ھاوڵاتیانی عێراق ڕێژەی 34%ی ئەو گەشتیارانە پێکدەھێنن، کە ساڵانە سەردانی شوێنە گەشتیارییەکانی ئێران دەکەن.

ئاژانسەکە ئاشكراشیكردوە، داھاتی گەشتیاری ئێران بە ڕێژەی 40% زیادیکردووە، دوای ئەوەی پێشتر بەھۆی کۆتوبەندەکانی کۆرۆناوە، ژمارەی گەشتیاران و داھاتەکەی بەشێوەیەکی بەرچاو کەمیکردبوو.

ساڵی ڕابردووش داھاتی کەرتی گەشتیاری ئێران دوو ملیار و 500ملیۆن دۆلاری تیپەراندو  کارکردن لەو كەرتەشدا بە ڕێژەی زیاتر 5% زیادیکردووە.



Copyright © 2020 All Rights Reserved Designed And Developed By AVESTA GROUP