هەرێم نیوز
راوێژکارێکى سەرۆکی حکومەتی هەرێمی کوردستان، بۆ کاروباری ئێزدییەکان و سەرۆکی بنکەی لالش دوای نزیکەی سێ هەفتە لە توشبونی بە ڤایرۆسی کۆرۆنا و تێکچوونی دۆخی تەندروستی، ئەمڕۆ مردنی ناوبراو راگەیەنرا.
بەڕێوەبەرایەتی کاروباری ئێزدییەکان لە پارێزگای دهۆک بڵاویکردەوە، دوای نزیکەی سێ هەفتە لەتوشبونی بەڤایرۆسی کۆرۆنا و رەوانەکردنی بۆ نەخۆشخانەیەکی ئەنقەرە لە 11ی ئەم مانگەدا، ئێوارەی ئەمڕۆ مردنی شێخ شامۆ، راوێژکاری سەرۆکی حکومەتی هەرێم و کەسایەتی دیاری ئێزدییەکان رادەگەیەنن.
ئاماژە بەوەشکراوە، شێخ شامۆ ئێوارەی ئەمڕۆ سێشەممە (18-1-2022) لە ئەنقەرەی پایتەختی تورکیا مردوە.
شێخ شامۆ جگە لەوەی راوێژکاری مەسرور بارزانی، سەرۆکی حکومەتی هەرێم بو، هاوکات سەرۆکی بنکەی لالش و ئەندامی خولی پێشوتری پەرلەمانی کوردستانیش بوە.