هەرێم نیوز
بەهۆی بەردەوامی بەفر بارین و دابەزینی پلەكانی گەرماوە پارێزگاری سلێمانی دوو رۆژی كردە پشوی فەرمی .
هەڤاڵ ئەبوبەكر، پارێزگاری سلێمانی بەنوسراوێكی فەرمی رایگەیاند، پاڵپشت بەو دەسەڵاتەی پێماندراوە بەهۆی بارینی بەفرێکی زۆر و سەختی کەشوهەوا و نزمبونەوەی پلەکانی گەرما بۆ ژێر سفر و دروستبونی ئاستەنگی هاتوچۆ بۆ هاوڵاتیان، بریارماندا رۆژانی 18 و 19ی ئهم مانگه (سێشهممه و چوارشهممه) پشوی فهرمی بێت.
نوسراوەكەی پارێزگای سلێمانی ئاماژەی بەوەشكردوە، ئەم بڕیارە لە دوای ڕاوێژ و راپۆرتی بەڕێوەبەرایەتی کەشناسی و بومەلەرزەزانی سلێمانی و سەرۆکایەتی ئەنجومەنی پارێزگای سلێمانی و سەرۆکی یەکە کارگێڕییەکان و فەرمانگانە پەیوەندیدارەکان دراوە.
لەنوسراوەكەدا ئەوەشهاتوە، ئەم بڕیارە ئەو فەرمانگەو کارمەندانە ناگرێتەوە کە لە ئەرکی خزمەتگوزاریە گشتی و خێراکان و ئێشگریدان.