هەرێم نیوز
سەرۆكی هەرێمی كوردستان پێشوازی، لەبڕیارێكی حكومەتی ئەڵمانیا دەكات بۆمانەوەی هێزه‌كانیان له عێراق و هه‌رێمی كوردستان.
حكومه‌تی ئه‌ڵمانیا بڕیاریدا، ماوه‌ی مانه‌وه‌ی هێزه‌كانی له عێراق و هه‌رێمی كوردستان درێژ بكاتەوە لەئێستاشدا بڕیاره‌كه له چاوه‌ڕوانی ره‌زامه‌ندی په‌رله‌مانی ئەو وڵاتەدایە.
لەبارەی بڕیارەكەشەوە، نێچیرڤان بارزانی، سه‌رۆكی هه‌رێمی كوردستان، له هەژماری فەرمی خۆی لەتویتەر لە تویتێكدا، پێشوازی و ستایشی بڕیاره‌كه‌ی ئه‌ڵمانیای كردوە و نووسیویه‌تی: "پێشوازی و ستایشی بڕیاری حكوومەتی ئەڵمانیا دەكەم بۆ درێژكردنەوەی ماوەی مانەوەی هێزەكانیان لە عێراقدا و هیوادارم پەرلەمانیش پەسندی بكات".
ئەوەشی نوسیوە،"داعش بۆ ئاشتی و ئاسایشی نێودەوڵەتی هێشتا هەڕەشەیە و هەوڵی هاوبەشی بەردەوام بۆ رووبەڕووبوونەوە و لەناوبردنی تیرۆر پێویستە".