هەرێم
نیوز
بەڕێوەبەرایەتی
نەوت و كانزاكانی سلێمانی رایگەیاند، رۆژی یەكشەممەی هەفتەی داهاتو لە سنوری قەزای
پێنجوێنەوە دەست بە دابەشكردنی نەوت بەسەر ماڵاندا دەكرێت و نرخی هەر بەرمیلێكى
نەوتیش 55 هەزار دینار دەبێت.
بەڕێوەبەرایەتی
نەوت و كانزاكانی سلێمانی، ئێوارەی ئەمڕۆ پێنجشەممە، لە راگەیەندراوێكدا ئاماژەى
بەوەکرد، "پاش دابینکردنی بڕی پێویستی نەوت لەلایەن حکومەتی هەرێمی کوردستانەوە
بۆ ناوچەشاخاوییە ساردەکانی سنوری پارێزگاکانی سلێمانی و هەڵەبجەو ئیدارەی
ڕاپەڕین، بریارە رۆژی یەکشەممە ڕێکەوتی۲٤ـ۱٠ـ۲٠۲۱ پرۆسەی دابەشکردنی نەوت لەسنوری
قەزای پێنجوێن دەستپێبکات."
ئەوەشى
خستەڕو، كە رۆژانی دواتریش دابەشكردنی نەوت لە تەوێڵەو بیارەو خورماڵ و شارباژێڕو
ماوەت و قەڵادزێ درێژەی دەبێت.
هەروەها
ئاشكراشیكردوە كە نرخی بەرمیلێكی ئەو نەوتەی دابەش دەكرێت، 55 هەزار دینار دەبێت.