هەرێم نیوز

و: ئاکۆ ئاڵی

پسپۆڕانی خۆراکیی، ئاشکرایدەکەن، خۆراکی کەم کالۆریی حەزی خواردن و برسێتیی زیاد دەکەن، بەوپێیەیە  بەردەوامبوون لەسەر سیستەمی خۆراکیی تەندوروست زۆر زەحمەتە، لەبەرئەوەی کەسەکە دوای ماوەیەک بۆ قەرەبووکردنەوەی ئەوەی جەستە لەدەستیداوە، دەستدەکاتەوە بە خواردنی خواردەمەنییە چەور و بەتامەکان.

لەماوەی رابردووشدا پزیشکان و زانایانی بواری خۆراکیی کاریان لەسەر دیاریکردنی ڕێگایەک  کردووە کە لەڕووی زانستییەوە بیسەلمێنێت کە بێ پەنابردنە بە داودەرمان دەتوانێت حەزی خواردن کەم بکاتەوە و کێشی جەستەش دادەبەزێنێت، لەدیارترین ئەو ڕێگایانەش بریتین لە:

•    گۆڕینی چەوریی و کاربۆهیدرایتەکان بە پڕۆتین.
•    خۆت لە پابەندبوون لەکاتی دیاریکراو بۆ خواردنی ژەمە خۆراکییەکان بەدوور بگرە و تەنیا لەکاتی برسێتیدا نان بخۆ.
•    زیادکردنی ئەو بەرهەمە خۆراکیانەی کە برێکی زۆر لە ریشاڵی خۆراکیان لەخۆگرتووە.
•    پێش دەستکردن بە نانخواردن برێکی زۆر لە ئاو بخورێتەوە.
•    خواردنی خۆراک لە دەفری بچووک و کەمکردنەوەی بڕی ژەمە خۆراکییەکان.
•    زوو چوونە سەر جێگای خەوتن، لەبەرئەوەی خەوی تەندرووست ڕێگری لە زیادبوونی کێشی جەستە دەگرێت.
•    فێربوونی چۆنێتی مامەڵەکردن لەگەڵ دڵەڕاوێکی، بەوپێیەی ئەو حاڵەتە دەردانی هۆڕمۆنی کۆرتیزۆل زیاد دەکات کە هۆکارە بۆ زیادبوونی حەزی خواردن.
•    خواردنی ژەمە نانی بەیانیان، لەبەرئەوەی دەبێتە هۆی بەدرووستی هێشتنەوەی سیستەمی خۆراکیی و دوورکەوتنەوە لە خواردنی ژەمە خێرا و هەڕەمەکییەکان.