دواین هەواڵ

کوردستان‌

 پێش 1 هەفتە

لە قوتابخانەیەکی قەڵادزێ 14 مامۆستا توشی کۆرۆنا ئەبن

هەرێم نیوز
لە قوتابخانەیەکی قەڵادزێ، 14 مامۆستا توشی کۆرۆنا ئەبن، بەڕێوەبەری قوتابخانەکەش ئاماژەی بەوەداوە، دەوامی قوتابخانەکە ڕادەگیرێت.  

مەحمود حسێن، بەڕێوەبەری پەروەردەی قەڵادزێ ئەمرۆ چوارشەممە، بە وێستگە نیوز ی وتووە:  "14مامۆستا لە قوتابخانەی ڕێنمای بنەڕەتی سەر بە بەڕێوەبەرێتی پەروەردەی قەڵادزێ توشی ڤایرۆسی کۆڕۆنابوون".

دەشڵێت: "بەو هۆیەوە لە ئەمرۆوە بۆ ماوەی 14ڕۆژ مامۆستاکان کەرەنتینەدەکرێن و دەوام لە قوتابخانەیەکە ڕادەگیرێ"، ئاماژەی بەوەشکرد، " 300قوتابی لەو قوتابخانەیە  دەخوێنن سەرەرای جێگری تەندروستی مامۆستاکان، داوامان لە کەسوکاری قوتابییەکان کردووە پشکنینی کۆرۆنایان بۆ بکەن".

وەزارەتی پەروەردەی حکومەتی هەرێم لەسەرەتای مانگی 9ی ئەمساڵ و بەسێ قۆناغ دەستپێکردنەوەی دەوامی قوتابخانە بنەرەتی و ئامادەییەکانی ڕاگەیاند، ئەوەش بە پەیرەوکردنی رێنمایی تەندروستی حکومەتی هەرێم گوژمەیەکی بۆ ڕێکارەکانی تەرخانکرد.

هاوکات ئەمرۆ چوارشەممە، وەزارەتی تەندروستی حكومەتی هەرێمی كوردستان، ئاماری 24 کاتژمێری تووشبوونی کۆرۆنای  بڵاوکردەوە، کە هەزارو 99 كەس توشی كۆرۆنا بوون و ژمارەی گیانلەدەستدان بە ڤایرۆسەكە بۆ 26 کەس بەرزبۆتەوە لەو ماوەیەدا.



Copyright © 2020 All Rights Reserved Designed And Developed By AVESTA GROUP