هەرێم نیوز
کۆمپانیای گۆڵف
کێستۆن کە لە کێڵگەی شێخان لە هەرێمی کوردستان کاردەکات رایگەیاندووە، بڕی 38 ملیۆن
و 500 هەزار دۆلاری وەک حەقدەستی بەرهەمهێنانی نەوت لەلایەن حکومەتی هەرێمی
کوردستان بۆ مانگی 7 ی ئەمساڵ پێدراوە.
بەپێی کۆمپانیای
گۆڵف کێستۆن لەو بڕە 25 ملیۆن و 100 هەزار دۆلاری حەقدەستی کۆمپانیاکەیە و ئەوەی دیکەش
پشکی هاوبەشەکانییەتی.
کۆمپانیاکە هەروەها
رایگەیاندووە، کە بڕی 6 ملیۆن و 400 هەزار دۆلاری دیکەیان وەرگرتووە لە باتی حەقدەستە
دواکەوتووەکانیان لە ماوەی مانگی 12ی ساڵی 2019 تاوەکو مانگی 2ی 2020.
گۆڵف کێستۆن رایگەیاندووە،
تاوەکو ئێستا بڕی 45 ملیۆن و 200 هەزار دۆلاری دیکەیان ماوە کە وەک قەرز لەلایەن
حکومەتی هەرێمی کوردستان ماوە.
لەلایەکی دیکەوە
کۆمپانیای شاماران رایگەیاندووە، بڕی 35 ملیۆن دۆلار و 300 هەزار دۆلارییان وەک حەقدەستی
مانگی 7ی ئەمساڵ لەلایەن حکومەتی هەرێمی کوردستانەوە پێدراوە کە پشکی کۆمپانیاکە
13 ملیۆن دۆلارە و ئەوەی دەمێنێتەوە پشکی هاوبەشەکانییەتی.
کۆمپانیای
شاماران کە لە کێڵگەی ئەتروش کاردەکات رایگەیاندووە، هێشتا نزیکەی 28 ملیۆن دۆلاریان
لەلای حکومەت ماوە کە پەیوەستە بە حەقدەستە کۆنەکانیان لە رابردوودا.