دواین هەواڵ

عێراق‌

 10/05/2021

موقته‌دا سه‌در: تیرۆر ره‌فتاری ترسنۆكه‌كانه‌

  1. هه‌رێم نیوز
    موقتەدا سەدر، رێبه‌ری‌ ره‌وتی سه‌در رایده‌گه‌یه‌نێت، تیرۆر ره‌فتاری "ترسنۆكه‌كان"و ئه‌و كه‌سانه‌یه‌ كه‌ ده‌یانه‌وێت زیان به‌ وڵات بگه‌یه‌نن.
  2.  
  3. موقته‌دا له‌ توێتێكدا نوسیویه‌تی: به‌شداری له‌ هه‌ڵبژاردنه‌كان و مه‌رجه‌كانی‌ و بنه‌ماكانی‌ ئه‌وه‌یه‌ هه‌موان پێوه‌ی‌ پابه‌ند بن له‌ چوارچێوه‌ شه‌رعی و عه‌قڵی و كۆمه‌ڵایه‌تی و نیشتمانییه‌كان، پرۆسه‌كه‌ تیرۆركردنی تێدا نییه‌، به‌ڵكو تیرۆر ره‌فتاری ترسنۆكه‌كان و ئه‌وانه‌یه‌ كه‌ ده‌یانه‌وێت زیان به‌ وڵات بگه‌یه‌نن.
  4.  
  5. رێبه‌ری‌ ره‌وتی سه‌در داوای‌ له‌ حكومه‌ت كردوه‌ تاوانباران راده‌ستی دادگا بكات له‌ زوترین كاتدا.
  6.  
  7. به‌ وته‌ی موقته‌دا، هه‌ر كاتێك هه‌ڵبژاردن نزیك ده‌بێته‌وه‌ "هێزه‌كانی‌ خراپه‌كاری‌ به‌ كوشتن و راوه‌دونان و جه‌نگ و تیرۆر و پڕوه‌پاگه‌نده‌ی‌ درۆیین داده‌بارێن.

    هاوكات باسی له‌وه‌كردوه‌، ئه‌و هێزانه‌ "مایه‌پوچ بون".
  8.  
  9. شه‌وی یه‌كشه‌ممه‌ 9ی‌ ئایار، ئیهاب وه‌زنی له‌ كه‌ربه‌لا تیرۆركرا، له‌ دوێنێوه‌ دۆخی ئه‌منی كه‌ربه‌لاو چه‌ند شارێكی تری باشور تێكچوه‌و گروپه‌ چه‌كداره‌كانی سه‌ر به‌ ئێران تۆمه‌تبار ده‌كرێن به‌ كوشتنی ناوبراو و چالاكوانانی تری كۆمه‌ڵگه‌ی‌ مه‌ده‌نی له‌و ناوچانه‌.
  10.  
  11. هاوكات شه‌وی رابوردو په‌لاماری‌ كونسوڵگه‌ری‌ ئێران له‌ كه‌ربه‌لا دراو دیوی ده‌ره‌وه‌ی‌ بیناكه‌ كه‌ پاسه‌وانه‌كانی‌ تێدا نیشته‌جێبو، سوتێنرا پێش ئه‌وه‌ی‌ ئه‌وه‌ی‌ هێزه‌ ئه‌منییه‌كان بڵاوه‌ به‌ خۆپیشانده‌ران بكه‌ن.



هەواڵی پەیوەندیدار

هەواڵی زیاتر

زۆرترین بینراو


Copyright © 2020 All Rights Reserved Designed And Developed By AVESTA GROUP