دواین هەواڵ

ڕاپۆرت و چاوپێکەوتن‌

 09/05/2021

راپۆرتێكی زۆر هه‌ستیار ده‌رباره‌ی‌ چۆنیه‌تی تیرۆركردنی قاسمی سلێمانی‌ له‌زاری ئه‌نجامده‌رانییه‌وه‌

  1. هه‌رێم نیوز
    سایتی‌ /یاهو نیوز/ چه‌ند وه‌رده‌كارییه‌كی له‌باره‌ی‌ ساتوه‌ختی كوشتنی قاسمی سلێمانی‌، فه‌رمانده‌ی‌ فه‌یله‌قی قودس له‌نزیك فڕۆكه‌خانه‌ی‌ به‌غدا له‌ 3ی‌ كانونی دوه‌می‌ 2020 ئاشكراكردوه‌.

    له‌ راپۆرته‌كه‌دا پشت به‌ چاوپێكه‌وتن له‌گه‌ڵ 15 به‌رپرسی ئه‌مه‌ریكی ئیداره‌ی‌ ئێستاو پێشوی‌ ئه‌و وڵاته‌ به‌ستراوه‌و زانیاری و ورده‌كارییه‌كانیان لێ وه‌رگیراوه‌.

    له‌ راپۆرته‌كه‌دا هاتوه‌، شه‌وی جێبه‌جێكردنی پرۆسه‌كه‌، سێ تیمی قه‌ناس به‌ده‌ست له‌ چه‌ند شوێنێكی نادیار بڵاوه‌یان پێكراوه‌ له‌سه‌ر كه‌ناری رێگای فڕۆكه‌خانه‌ی‌ به‌غدا، یه‌كێك له‌ قه‌ناس به‌ده‌سته‌كان به‌كامێرا وێنه‌ی‌ گرتوه‌و راسته‌وخۆ وێنه‌كانی بۆ باڵیۆزخانه‌ی‌ ئه‌مه‌ریكا گواستوه‌ته‌وه‌.
  2.  
  3. سێ تیمی قه‌ناس به‌ده‌ست له‌ چه‌ند شوێنێكی نادیار بڵاوه‌یان پێكراوه‌ له‌سه‌ر كه‌ناری رێگای فڕۆكه‌خانه‌ی‌ به‌غدا، یه‌كێك له‌ قه‌ناس به‌ده‌سته‌كان به‌كامێرا وێنه‌ی‌ گرتوه‌
    به‌پێی ورده‌كاریی راپۆرته‌كه‌، دوای‌ ئه‌وه‌ی‌ قاسمی سلێمانی له‌ فڕۆكه‌كه‌ داده‌به‌زێت، كه‌ چه‌ند سه‌عاتێك نیشتنه‌وه‌ی‌ فڕۆكه‌كه‌ دواكه‌وتوه‌، ژماره‌یه‌ك له‌ ئه‌ندامانی گروپی دژه‌ تیرۆری كورد CTG به‌ جل و به‌رگی كرێكاره‌وه‌ له‌ فڕۆكه‌خانه‌دا بون بۆ ئه‌وه‌ی‌ دڵنیاببنه‌وه‌ له‌ بونی سلێمانی‌ له‌ناو فڕۆكه‌خانه‌كه‌و یەکێک لەو کەسانەش، رێنمایی فڕۆكه‌كه‌ی‌ كردوه‌ تا له‌و به‌شه‌ی‌ فڕۆكه‌خانه‌كه‌دا بنیشێته‌وه‌ كه‌ سه‌ری داپۆشراوه‌، یه‌كێكی تریش كه‌ خۆی واده‌رخستوه‌ شت و مه‌كی گه‌شتیاره‌كان ده‌گوازێته‌وه‌، له‌وێدا ئاماده‌بوه‌و توانیویه‌تی قاسمی سلێمانی‌ بناسێته‌وه‌.
  4.  
  5. ژماره‌یه‌ك له‌ ئه‌ندامانی گروپی دژه‌ تیرۆری كورد CTG به‌ جل و به‌رگی كرێكاره‌وه‌ له‌ فڕۆكه‌خانه‌دا بون بۆ ئه‌وه‌ی‌ دڵنیاببنه‌وه‌ له‌ بونی سلێمانی‌ له‌ناو فڕۆكه‌خانه‌كه‌
    ئه‌وه‌ش ئاشكراكراوه‌، هه‌ر ئه‌وه‌نده‌ی‌ فڕۆكه‌كه‌ نیشتوه‌ته‌وه‌، سلێمانی‌ و ئه‌و وه‌فده‌ی‌ له‌گه‌ڵیدابون، سواری‌ دو ئۆتۆمۆبێل بون تا به‌ره‌و ده‌ره‌وه‌ی‌ فڕۆكه‌خانه‌ بڕۆن.

    دوای‌ ئه‌وه‌ی‌ ئۆتۆمۆبێله‌كان به‌رێكه‌وتون، سێ فڕۆكه‌ی بێ فڕۆكه‌وان به‌ ئاراسته‌ی‌ ئامانجه‌كه‌ رۆشتون و دوانیان موشه‌كی هیلڤایه‌ریان هه‌ڵگرتوه‌.

    له‌ راپۆرته‌كه‌دا هاتوه‌، هه‌ر ئه‌وه‌نده‌ی‌ كه‌ ئۆتۆمۆبێله‌كان گه‌شتونه‌ته‌ ئه‌و شوێنه‌ی‌ بڕیار بوه‌ ئۆپه‌راسیۆنه‌كه‌ی‌ تێدا ئه‌نجامبدرێت، ئه‌وانه‌ی‌ كه‌ كاریان به‌ فڕۆكه‌كان كردوه‌ موشه‌كانیان ئاراسته‌ كردون و دو موشه‌كه‌كه‌ ئه‌و فڕۆكه‌یان پێكاوه‌ كه‌ سلێمانی‌ تێدابوه‌، له‌وكاته‌دا شۆفێری ئۆتۆمۆبێلی دوه‌م ویستویه‌تی هه‌ڵبێت، توانیویشیه‌تی پێش ئه‌وه‌ی‌ ئۆتۆمۆبێله‌كه‌ی‌ ئه‌ویش بته‌قێنرێته‌وه‌، 90 مه‌تر دور بكه‌وێته‌وه‌، بەڵام یەکێک لە قەناس بە دەستەکان بە فیشەک پێکاویەتی و ئۆتۆمۆبێلەکە وەستاوە، دواتر موشه‌كی سێیه‌می ئاراسته‌ كراوه‌و ئه‌ویش تێكشكێنراوه‌.
  6. شۆفێری ئۆتۆمۆبێلی دوه‌م ویستویه‌تی هه‌ڵبێت، توانیویشیه‌تی پێش ئه‌وه‌ی‌ ئۆتۆمۆبێله‌كه‌ی‌ ئه‌ویش بته‌قێنرێته‌وه‌، 90 مه‌تر دور بكه‌وێته‌وه‌، بەڵام یەکێک لە قەناس بە دەستەکان بە فیشەک پێکاویەتی و ئۆتۆمۆبێلەکە وەستاوە
    هه‌ر له‌ راپۆرته‌كه‌دا ئه‌وه‌ش باسكراوه‌، كه‌ قاسمی سلێمانی، له‌ماوه‌ی‌ شه‌ش سه‌عاتدا پێش كوشتنی، سێ جار مۆبایله‌كه‌ی‌ گۆڕیوه‌.

    به‌ وته‌ی‌ به‌رپرسێكی سه‌ربازی ئه‌مه‌ریكا، ئه‌فسه‌رانی په‌یوه‌ندییه‌كانی سه‌ر به‌ فه‌رمانده‌یی ئۆپه‌راسیۆنه‌ تایبه‌ته‌كانی ئه‌مه‌ریكاو هاوتا ئیسرائیلییه‌كان له‌ ته‌لئه‌بیب هاوكاربون له‌ شوێنهه‌ڵگرتنی مۆبایله‌كانی سلێمانی.

    دوای‌ ئه‌وه‌ش كه‌ ئیسرائیلییه‌كان توانیویانه‌ بگه‌نه‌ ژماره‌كانی قاسمی سلێمانی‌، سه‌رجه‌م زانیارییه‌كانیان بۆ ئه‌مه‌ریكییه‌كان گواستوه‌ته‌وه‌و ئه‌وانیش بۆیان ده‌ركه‌وتوه‌ كه‌ گه‌شتوه‌ته‌ به‌غدا.



هەواڵی پەیوەندیدار

هەواڵی زیاتر

زۆرترین بینراو


Copyright © 2020 All Rights Reserved Designed And Developed By AVESTA GROUP