دەربارەی ئەكتەری زیندو

هەرێم نیوز
لە ئەزموونی تایبەتی خۆمەوە (مراندنی كارەكتەر لە ناو ئەكتەر دا)
هێزی هۆشیاری و خەیاڵ و تەكنیك و ئامێرو راهێنانی ئەكتەری زیندو لە كاتی زیندوو كردنەوەی كارەكتەرێك لەفیلمێك، یا درامایەك، یا شانۆیەكدا وەك باسمان كرد چەند گرنگە بۆ ئەوەی زینددو ئامادە بێت،هێندەی ئەوەش هێزی مراندنی ئەو كارەكتەرە لە خود و خەیاڵدا گرنگە .
هێزی شكانی دەستەڵاتی ئەكتەر بەسەر مراندنی كارئەكتەر پاش تەواو بوونی ئەو رۆڵ بینینە .
وەك چۆن لەناوەندی سینەما و دراماو شانۆی ئێمەدا تەكنیكی راهێنان و تەكنیكی دیزایین بۆ رۆڵ لاوازە، هەر ئاوهاش مراندنی كارەكتەر لە خود و خەیاڵی ئەكتەردا لاوازە.
مراندنی كارەكتەر لە خود و خەیاڵدا چیە لای ئەكتەری زیندوو؟
ئەم پرۆسەیە بریتیە لە بە ئەرشیف كردنی ئەوەی توانیوتە بە هۆشیاریەوە بینایی كەی، هەموو ئەوەی بینات كردوە بە هۆشیاریی وە بۆ كارەكتەرێك ( ئەڵێم بە هۆشیارییەوە ) ئەرشیفی ئەكەی، سری ئەكەی،ئەیكوژی ئەیمرێنی، بە هەمان ئەو هۆشیاریەی بینات كردوە، بە هەمان هۆشیارییەوە ئەیروخێنی .
هەر لەبەر ئەمەیە ئەگەر ئەكتەری زیندوو نەزانێت بینا بكات دیزاین بكات بۆ رۆڵ، ناشزانێت بیروخێنێت (دروست وەك ئەندازیارێكی عاقڵ و هۆشیار بەنەخشەی خانویەك لەسەر رروبەری زەویەكی ئاشكرا) ئەم پرۆسەی زانیننی مراندنی كارەكتەر لە ئەكتەردا دەمانپارێزی لە دووبارە بوونەوە، زانینی هەڵبژاردنی رۆڵی نوێ‌، ریسكی نوێ‌، تێست كردنی تەكنەلۆژیای نوێ‌ ی نواندن .
(زۆر قوڵ كارەكتەر بینا بكە، بۆ ئەوەی بتوانی ئاسان بیروخێنیت)
لەیەكێك لەئەزمونەكانمدا راهێنەرێكی شانۆییان هێنا بۆمان تا بەهێزمان كات لە نواندنی سینەماییدا لە ووڵاتی ئێران، هێند بێ‌ ئەزموون بوو لەبری بیناكردنی رۆڵ، ئەیمراند تیاماندا بەڵام ئێمە توانیمان بە هۆشیاری خۆمان، ئەو راهێنەرە شانۆییە، فێری نواندنی سینەمایی بكەین لە كۆتاییدا.
(ئاگادار بە ئەكتەری زیندوو، بەخەونی بیناكردنەوە، نەتمرێنن، لەكۆتایی هەر ئەزموونێك، كارەكتەر بمرێنە لەخودو خەیاڵتدا، بۆ ئەمەش دەبَێ‌ لە هەردوو دۆخەكەدا بژیت)
رێگاكانی مراندنی رۆڵ چین ؟
راهێنانی بەردەوام لەسەر خەیاڵی تازە، خوێندنەوەی رۆمانی تازە، شیعری تازە،میوزیكی تازە، سەمای تازە،سەفەری تازە (بۆ گوندێك بێت یا شارێك، نزیك لە شارەكەت، دوور لە ووڵاتەكەت،تاقی كردنەوەی وەرزشێكی تازە لەپەنا ستراتیژی وەرزشی خۆت، بۆ جەستەو دەنگ، بۆ ئەكتەری زیندوو، بینیی ژانری جیای فلم و شانۆ،هەمیشەش فەلسەفەو كۆنسێپتی تازە .
ئاگادار بە ئەتوانی ببیتە ئەكتەرێك ژمارەیەك بی لە ژمارەكان، ئەتوانی مەست بی بە ئۆدیەنس،ئەتوانی پارە پەیدا بكەیت، بەڵام گەر فێر نەبی كارەكتەر بینا كەی و بیمرێنی، یەك ساتی نواندنت لە یادەوەری بینەردا نا مێنیتەوە .
ئەكتەری زیندوو، هێزی مراندنی كارەكتەری لە خەیاڵ و خودی خۆیدا هەیە
ئەم چەمكەش بۆ تێگەیشتن كراوەیە
خۆت بە ئەزموونی خۆت فێری بەو دەوڵەمەندی كە .
شوان عەتوف

دواین هەواڵ

کلتور‌

دەربارەی ئەكتەری زیندو

هەواڵی پەیوەندیدار

ڕۆنانی کەسایەتی ژن لە درامای ئادیابین دا

ئیرادەی ژن لە درامای ئادیابین دا

دەنگ و ئاواز و مۆزیکی جیهانی

هەواڵی زیاتر

مەسرور بارزانی: شەهیدانی بۆردوومانی قەڵادزێ و زانکۆی سلێمانی هەمیشە لە یادمانن

ئەنجومەنی وەزیران لەسەر پرسی موچە و چەندپرسێکی گرنگی تر کۆدەبنەوە

بەیاننامەی وەزارەتی سامانە سروشتییەکان لەبارەی دەستپێکردنەوەی هەناردەکردنی نەوت

زۆرترین بینراو

1

8 کاتژمێر پێش ئێستاوەزارەتی خوێندنی باڵا: شەش هەزار سێ یەکەمی زانکۆ و پەیمانگامان هەیە پێویستە عێراق دایانبمەزرێنێت

2

2 رۆژ پێش ئێستاراپۆرتێک دەستدرێژی و ئازاری سێکسی هێزە ئەمنییەکانی ئێران بەرانبەر بە خۆپیشاندەران ئاشکرا دەکات

3

7 کاتژمێر پێش ئێستاناوەڕۆکی کۆبوونەوەی ئەنجومەنی وەزیرانی هەرێمی کوردستان بڵاوکرایەوە

4

1 رۆژ پێش ئێستائۆتۆمبێلێک دەستی بەسەرداگیرا کە زیاتر لە 6 ملیۆن دینار غەرامەی تیژڕەوی هەبووە

5

4 رۆژ پێش ئێستابەرپرسێکی ئیسرائیل: هێرشەكەی ئیسرائیل زیانی بە سیستەمی بەرگری ئاسمانی ئێران گەیاندووە

6

6 رۆژ پێش ئێستا سزاکانی ئەمریکا بۆ سەر ئێران رادەگەیەنرێت