دواین هەواڵ

جیهان‌

 05/05/2021

یه‌كێتی ئه‌وروپا هێزێكی 5000 سه‌ربازی بۆ ده‌ستوه‌ردانی ده‌ره‌كی پێكدێنێت

  1. هه‌رێم نیوز
     گەورە بەرپرسێكی یه‌كێتی ئه‌وروپا رایده‌گه‌یه‌نێت، 14 وڵاتی ئه‌وروپی پێشنیاری ئه‌وه‌یان كردوه‌ هێزێكی سه‌ربازی پێكبهێنن بۆ ده‌ستوه‌ردانی خێراو به‌په‌له‌ له‌ قه‌یرانه‌ نێوده‌وڵه‌تیه‌كاندا.

    ئاژانسی هه‌واڵی رۆیته‌رز، له‌ زاری ئه‌و به‌رپرسه‌وه‌ گواستویه‌تیه‌وه‌، كه‌ ئه‌و هێزه‌ له‌ 5000 سه‌رباز پێكدێت و به‌ فڕۆكه‌و كه‌شتی پشتیوانی ده‌كرێن و هاوكاری ئه‌و وڵاته‌ بێگانه‌ دیموكراتیانه‌ ده‌كه‌ن پێویستیان به‌ كۆمه‌كییه‌.

    بڕیاره‌ سبه‌ینێ پێنجشه‌ممه‌ وه‌زیرانی به‌رگری یه‌كێتی ئه‌وروپا تاوتوێی بیرۆكه‌كه‌ بكه‌ن و له‌و كۆبونه‌وه‌ ئاساییه‌ی‌ كه‌ جۆزێف پۆرێڵ، به‌رپرسی سیاسی ده‌ره‌وه‌ی‌ یه‌كێتی ئه‌وروپا سه‌رپه‌رشتی ده‌كات و خۆی یه‌كێكه‌ له‌و كه‌سایه‌تیانه‌ی‌ ره‌خنه‌ی‌ هه‌یه‌ له‌سه‌ر ئه‌وه‌ی‌ یه‌كێتیه‌كه‌ چه‌قی به‌ستوه‌ له‌ ده‌ستوه‌ردانی ده‌ره‌كی به‌تایبه‌ت له‌ وڵاتێكی وه‌ك لیبیا.

    ئه‌و 14 وڵاته‌ی‌ كه‌ پێشنیاری دروستكردنی هێزه‌كه‌یان كردوه‌، بریتین له‌ نه‌مساو چیك و به‌لجیكاو قوبرس و ئه‌ڵمانیاو یۆنان و فه‌ره‌نساو ئیرله‌ندا و ئیتاڵیا و لۆكسۆمبۆرگ و هۆڵه‌نداو پورتوگال و سلۆڤینیاو ئیسپانیا.

    تا ئێستا یه‌كێتی ئه‌وروپا به‌شێوه‌یه‌كی باو پشت به‌ هاوپه‌یمانی ئه‌تڵه‌سی (ناتۆ) ده‌به‌ستێت كه‌ له‌لایه‌ن ئه‌مه‌ریكاوه‌ سه‌ركردایه‌تی ده‌كرێت.

    سه‌رۆكه‌ یه‌ك له‌ دوای یه‌كه‌كانی‌ ئه‌مه‌ریكا به‌ تایبه‌ت دۆناڵد ترامپ، داوایان له‌ یه‌كێتی ئه‌وروپا كردوه‌ هه‌وڵی زۆرتر بده‌ن له‌ پێناو سه‌قامگیری خۆیاندا به‌ تایبه‌ت پاراستنی سنوره‌كانیان.



هەواڵی پەیوەندیدار

هەواڵی زیاتر

زۆرترین بینراو


Copyright © 2020 All Rights Reserved Designed And Developed By AVESTA GROUP