هەرێم نیوز

یەحیا زاغیر، ئەندامی یەکێتی تۆپی پێی عێراق، ڕوودانی قەیرانی یاسایی بەر لە یاریی نێوان یانەی قوەجەوییەی عێراق و یانەی ئیتیحادی سعودی ڕەتکردەوە، کە وا بڕیارە ئەمڕۆ دوو شەممە کاتژمێر 3:00 ڕووبەڕووی یەک بنەوە، یاریگای فرانسۆ هەریری پەیکەری ئەو سیاسەتمەدارە ئاشوورییە، کە یاریگاکە ناوی ئەوی هەڵگرتووە.

 یانەی ئیتیحاد لە قۆناغی چوارەمی کۆمەڵەی سێیەمی خولی یانە پاڵەوانەکانی ئاسیا، لە یاریگای فرانسۆ هەریری شاری هەولێر دەبێتە میوانی یانەی قوەجەوییەی شاری بەغداد ،یانەی قوەجەوییە ئەم یاریگایەی دەستنیشان کردووە بۆ ئەنجام دانی یارییەکانی

 زاغیر بە پێگەی "الریاضیە"ی ڕاگەیاند: پەیکەرەکە هی سیاسەتمەداری ئاشووری فرانسۆ هەریرییە، ناوی یاریگاکەش بە ناوی ئەوەوە ناونراوە، هیچ کێشەیەک لەوەدا نییە، ساڵانێکی زۆرە ئەو پەیکەرە لەوێدایە و لە کاتی یارییە نێودەوڵەتییەکان ئامادە بووە زیاتر لە ١٠ ساڵە، و یەکێتی تۆپی پێی ئاسیا ئاگاداری هەموو وردەکارییەکانی یاریگاکەیە”.

 ئەو ئەندامەی فیدراسیۆنی تۆپی پێی عێراق یاریگاکەی بە یاریگایەکی زۆر باش وەسفکرد و ئاماژەی بەوەشکرد، پێش دەستپێکردنی پاڵەوانێتیەکە لیژنەیەک لە یەکێتیی ئاسیا سەردانی یاریگاکەیان کردووە و یاریگاکەش ڕەزامەندی لەسەر دراوە بۆ ئەوەی یارییەکانی چامپیۆنزلیگ لەسەر ئاستی ئاسایی تێدا ئەنجامبدرێت.

 زاغیر لە کۆتایی قسەکانیدا جەختی لەوە کردەوە کە یاریگای فرانسو هەریری کە دەکەوێتە شاری هەولێری میوانداری یارییەکانی پاڵەوانێتی یانەکانی عەرەبی و جامی یەکێتی تۆپی پێی ئاسیا و خولی پاڵەوانانی ئاسیا و یارییە نێودەوڵەتییەکانی دیکەی کردووە.

 ئەمەش دوای چەند ڕۆژێک دێت لە هەڵوەشاندنەوەی یارییەکەی ئیتیحاد لەگەڵ سپاهانی ئێرانی، هەروەها سێ خاڵی یارییەک بە بڕیارێکی دیسپلینی لەلایەن یەکێتی تۆپی پێی ئاسیا بەخشرایە یانە سعودیەکە، بەهۆی دانانی پەیکەری سیاسی لە یاریگای نەقش جیهان، هەروەها ئێرانییەکان ڕەتکردنەوەی پەیکەرەکەی قاسمی سولەیمانی لاببەن پێش یارییەکە، ئەمەش بووە هۆی قەدەغەکردنی و ڕاگرتنی یارییەکان لەلایەن بەرپرسانی فیدراسیۆنی تۆپی پێی ئاسیا، دواتر یانەی سپاهان وەک دۆڕاو دانرا، بڕیار درا بۆ یارییەکانی داهاتووی یانەکە لەدەرەوەی یاریگای خۆیان یارییەکانیان ئەنجام بدەن.